Graham Potter, i papunë që nga largimi i tij nga Chelsea 18 muaj më parë, ka deklaruar gatishmërinë e tij për t’u rikthyer në drejtimin e një skuadre.
47-vjeçari ka kryer një periudhë kërkimi, duke marrë paga të plota nga klubi londinez, dhe thuhet se konsiderohej për punën në Angli, tani e zënë nga Thomas Tuchel.
Potter shprehu dëshirën e tij për t’u kthyer, duke thënë: “Po… Mendoj se koha që kam kaluar ka qenë e mrekullueshme”.
“Kam pasur 12-13 vjet futboll pa ndalesë… Tani, kam pasur kohë për t’u rilidhur me familjen time, për të reflektuar dhe për të menduar se si dua të duken 12 vitet e ardhshme”.
Ky zhvillim ka të ngjarë të ngjall interes nga mbështetësit e Southamptonit, të cilët kanë bërë thirrje për ndryshim në mes të qëndrimit të vështirë të Russell Martin.Me Potterin në dispozicion, presioni rritet mbi pronarët e Southamptonit, Dragan Solak dhe Sport Republic, që të veprojnë me vendosmëri dhe të shmangin rënien nga elita e futbollit anglez.
