Pak javë pasi zbuloi se është bërë nënë për herë të parë, Heidi Lushtaku është martuar me futbollistin e njohur turk, Merih Demiral. Lajmin e ka zbuluar vetë modelja shqiptare përmes bios në Instagram. Ajo ka bërë ndryshime në profil, ku ka shkruar: “Nënë & e martuar”
Ajo ka vendosur gjithashtu dhe mbiemrin Demiral. Megjithatë, nuk dihet nëse dyshja e njohur kanë organizuar ndonjë ceremoni apo thjesht kanë kryer procedurat ligjore. Kujtojmë që modelja surprizoi ndjekësit kur zbuloi disa javë më parë se ishte bërë nënë.
Ajo ndau një foto me të djalin, Kaïs Ömer dhe partnerin futbollist, krahas së cilës shkroi: “Ti ishe sekreti ynë më i bukur. Gëzuar 1 mujorin e lindjes”.
