Ministri i punëve të brendshme të Serbisë, Aleksandar Vulin, nuk i zhgënjeu fashistët serbë me deklaratat e fundit në reagim ndaj rezolutës së Parlamentit Evropian që i kërkon Serbisë të harmonizojë politikën me atë të bllokut evropian si shtet partner. I shau me rend si evropianët dhe e përdori si zakonisht termin pezhorativ në serbishte për shqiptarët, transmeton Gazeta Metro.
Vulin siç pritej doli me reagim pas miratimit të raportit të Parlamentit Evropian për Serbinë ku i kërkohen sanksionet ndaj Rusisë dhe njohja e ndërsjellë me Kosovën. Si zakonisht Vulin iu drejtua publikut serb ultra-nacionalist.
“T’i kërkohet Serbisë që t’i vendos sanksione Rusisë dhe ta pranojë të ashtuquajturën Kosovë, të gjitha në të njëjtën rezolutë, e bën dikush që nuk di asgjë për Serbinë, një i pafytyrë ose një anëtar i parlamentit Evropian apo që të tri këto. Nuk e di se a ka kuptim që të kërkohet nga Serbia më shumë pluralizëm në media e në të njëjtën kohë t’i kërkohet mbyllja e mediat e themeluara nga Rusia, pasi po bëjnë propagandë ruse, por e kuptova se të gjitha rrenat për Serbinë dhe presidentin e Serbisë, të cilat çdo ditë i thonë mediat ku themeluesit vijnë nga shtetet e Bashkimit Evropian, nuk janë objekt për t’u brengosur”.
Vulin vazhdoi më tej duke u thelluar në kundërshti të hapur dhe kërkesë për dalje nga rrugëtimi evropian i Serbisë si kandidat për anëtarësim, dhe duke i shtuar dozën e fashizmit serb anti shqiptar.“Këto rrena janë ilaç sikur ajo rrena që iu shërbeu për të nisur pogrom në Kosovë e Metohi ë 2004’n, se gjoja serbët me qenë i kishin hedhur fëmijët e ‘siptari’ në lumin Ibër, apo sikur ajo rrena që Vucic kishte urdhëruar se kush duhet të rrahet në Glina apo se kishte mbajtur Sarajevën në nishan. Serbia është në rrugën evropiane me dekada tashmë dhe po duket se është koha që neutraliteti ushtarak të kalojë edhe në atë politik” tha Vulin.
Vulin që e ka për detyrë ta thotë më të rëndën për t’u dukur më mirë shefi i tij presidenti Vucic të dalë pas disa ditësh kur të ketë vluar mirë tema që duan të shërbejnë, vazhdoi me shembuj pse duhet kaluar në atë që ai e quan neutralitet politik ndaj ‘Evropës jo parimore’.
“Nëse nuk e kini të qartë, lirisht lexoni rezolutën e eurodeputetëve në të cilën nga Serbia i kërkohet ajo që as nuk mundet, e as nuk do të bëjë. Serbia do të vazhdojë që në vazhdimësi të respektojë parimet e integritetit territorial, që për Bashkimin Evropian kjo nuk mund të thuhet”.
Parlamenti Evropian e miratoi këtë rezolutë pas raportimit të Vladimir Bilcik, raportuesit të Parlamentit Evropian për Serbinë ku ishte theksuar se harmonizimi i politikës së jashtme me atë të Bashkimit Evropian si kriter i veçantë vlerësimi i Serbisë mes tjerash.
