Futbollisti legjendar brazilian Edson Arantes do Nascimento, i njohur më mirë si Pele, u varros pas një ceremonie dyditore në Brazil.
Sipas shumëkujt, futbollisti më i madh i të gjitha kohërave vdiq më 29 dhjetor në moshën 82-vjeçare pas një beteje të gjatë me kancerin. Ceremonia zgjati dy ditë, deri në mbrëmjen e sotme, kur ai u varros.
Arkivoli i tij u transportua në lagjen Santos, ku ai bëri emër gjatë karrierës së tij, ndërsa mijëra tifozë të pikëlluar u rreshtuan në rrugë për t’i dhënë lamtumirën tre herë kampionit të botës.
Pele është varrosur në katin e nëntë të varrezave në një rrokaqiell me pamje nga stadiumi Santos, vendi ku ai bëri emër gjatë karrierës së tij.
#WATCH Brazilian soccer legend Pele is being buried in a private family ceremony after three days of national public mourning
News Correspondent @newschambers reports ⤵️#VMNews pic.twitter.com/2dgOmxbiad
— Virgin Media News (@VirginMediaNews) January 3, 2023
Trupi i tij u vendos në një arkivol të hapur në tokën e Santos, ku e përcolli djali i tij Edinho, i cili ishte shumë i emocionuar gjatë ceremonisë.
Më shumë se 230 mijë vajtues i dhanë lamtumirën Peles, i cili në dy ditët e fundit erdhi për të nderuar legjendën e madhe të futbollit.
Megjithatë, vetëm anëtarët e ngushtë të familjes morën pjesë në varrim. Dyshohet se vetë Pele ka zgjedhur katin e nëntë të varrezave për t’u varrosur për të “mbrojtur” stadiumin e të dashurit të tij Santos.