Me rastin e Ramazanit, muajit të shenjtë për të gjithë myslimanët, Ukraina i ofroi Rusisë shkëmbimin e të gjithë robërve të luftës që e shpallin Islamin, por Rusia ktheu një përgjigje negative.
Sipas Daria Zarivna, këshilltare për komunikim e shefit të zyrës së Presidentit të Ukrainës, rusët nuk ishin të interesuar.
“Ne dolëm me një propozim për të shkëmbyer të burgosurit myslimanë në një format ‘të gjithë për të gjithë’ nga të dyja palët si shenjë respekti për kulturën dhe traditat e tyre. Fatkeqësisht, pala ruse e hodhi poshtë këtë ide pa shumë entuziazëm,” tha Zarivna.
Sipas saj, kjo nismë është një nga shumë zgjidhjet kreative që negociatorët ukrainas i drejtohen për shkëmbimin e të burgosurve.
Që nga data 11 mars 2022, Shtabi Koordinues për Trajtimin e të Burgosurve të Luftës ka kryer gjithsej 39 shkëmbime, sipas Zyrës së Presidentit. Gjithsej 1,993 persona u liruan, duke përfshirë 184 gra dhe 107 civilë.
Shkëmbimi i fundit u bë më 3 prill. 12 ukrainas të tjerë u kthyen në shtëpi nga Rusia.
