Kompania Kosovare për Distribuim me Energji Elektrike gjatë javës së kaluar ka kryer një mijë e 963 kontrolle të cilët dyshohej se po keqpërdornin rrymën.
Përmes njoftimit, KEDS ka bërë të ditur se 187 prej tyre janë kapur duke vjedhur rrymën, raste të cilat do t’i parashtrojnë për procedura të mëtejshme gjyqësore.
“Vetëm gjatë javës së kaluar në të gjitha distriktet dhe nën distriktet janë kryer 1963 kontrolle të konsumatorëve të energjisë elektrike, për të cilët dyshohej se po keqpërdorin rrymën. Prej tyre 187 u vërtetua se po e anashkalonin matjen e saktë të energjisë elektrike. Keqpërdorimi i energjisë elektrike është i papranueshëm dhe i dënueshëm. Rastet e tilla, ekipet e KEDS-it do t’i parashtrojnë për procedura të mëtutjeshme gjyqësore”, thuhet në njoftim./teve1.info/
