Gjatë të dielës mbrëma, ka shpërthyer dhuna në elitën e futbollit turk, në ndeshjen mes Trabzonsporit dhe Fenerbahçes.
Si pasojë e kësaj, thuhet se dymbëdhjetë persona janë arrestuar.
“12 persona që u identifikuan si të përfshirë në përleshjet pas ndeshjes Trabzonspor – Fenerbahce u ndaluan”, ka shpjeguar ministri Ali Yerlikaya.
Një turmë tifozësh hynë në fushë të dielën mbrëma në stadiumin e Trabzonspor pas fishkëllimës së fundit të ndeshjes, ndërsa lojtarët e Fenerbahçes festuan fitoren.
Ultrasit kërcënuan dhe sulmuan lojtarët dhe trajnerin e skuadrës së Stambollit, ndërsa portieri i Fenerbahces, Dominik Livakovic u godit me grusht në fytyrë gjatë përplasjeve.
