Mbi 3.500 tifozë të Bayer Leverkusenit udhëtuan për të mbështetur ekipin e tyre në ndeshjen gjysmëfinale të Kupës së Gjermanisë (DFB Pokal) kundër Arminia Bielefeld, ku kampionët aktualë u eliminuan me rezultat 2:1.
Pas ndeshjes, tensionet shpërthyen mes njërit prej lojtarëve kryesorë të Leverkusenit, Granit Xhaka, dhe një udhëheqësi të tifozëve.
Pati një përplasje të ashpër verbale mes tyre dhe u duk sikur po i drejtonin kërcënime njëri-tjetrit.
Kreu i sigurisë së klubit, Ayhan Goevercin (53), qëndroi midis palëve dhe luajti rolin e një “zone tampon” për të shmangur përshkallëzimin e konfliktit.
Sipas sqarimeve nga zyrtarët e Leverkusenit, debati ishte për atë se kush ishte më i zhgënjyer nga humbja – ekipi apo tifozët – por nuk ka pasur kontakt fizik.
“Jemi të gjithë të zhgënjyer. Natyrisht që kishim një skenar tjetër në mendje, dhe me një objektiv tjetër vjen edhe zhgënjimi. Kjo ndikon te të gjithë ne. Jo vetëm te tifozët. Ndjejmë të njëjtën gjë. Por, ndodhi,” deklaroi drejtori sportiv i Leverkusenit, Simon Rolfes.
