Përleshje në samitin në Ankara: Një anëtar i delegacionit rus vodhi flamurin ukrainas dhe u godit me grusht në fytyrë (Video)

Në samitin e Parlamentit të Bashkëpunimit Ekonomik të Detit të Zi në Ankara, pati një konfrontim fizik midis delegacioneve ukrainase dhe ruse, ku rusët morën më të keqen.

Tensionet u ngritën nga Olea Timofeeva, një anëtare e Dumës Shtetërore Ruse, kur ajo shfaqi shiritin e Georgiev në ngjyrë portokalli të zezë në xhaketën e saj, e cila është kthyer në një simbol të mbështetjes për agresionin rus kundër Ukrainës.

Një përleshje shpërtheu mes delegatëve ukrainas dhe rusë në një takim të Asamblesë Parlamentare të Bashkëpunimit Ekonomik të Detit të Zi (PABSEC) në kryeqytetin e Turqisë, Ankara.

Më pas për situatën ka ndërhyrë kryetari i Kuvendit të Turqisë, Mustafa Sentop, i cili ka shpallur pushim dhe ka kërkuar që delegacioni ukrainas, i cili ka shkelur rregullat e manifestimit, të nxirret jashtë sallës.

Pasi ata u larguan, në korridorin në margjinat e këtij samiti shpërtheu një sherr, ku u përfshinë parlamentari ukrainas Oleksandr Marikovskyi dhe një nga përfaqësuesit rusë.

Një nga anëtarët e delegacionit rus ua vodhi flamurin ukrainasve, dhe Marikovskyi iu kundërpërgjigj menjëherë dhe pas një përleshjeje të shkurtër fizike, arriti të rimarrë flamurin ukrainas.

Parlamenti i Organizatës së Bashkëpunimit Ekonomik të Detit të Zi (PABSEC) u themelua më 26 shkurt 1993. Ai përfshin 13 vende: Shqipërinë, Azerbajxhanin, Bullgarinë, Armenia, Greqinë, Gjeorgjinë, Maqedoninë e Veriut, Moldavinë, Rumaninë, Serbinë, Turqinë, Ukraina dhe Rusia.

Kategoritë
BotaLajme