Shirat e rrëmbyeshëm që vërshuan Spanjën lindore javën e kaluar shkaktuan përmbytje të shpejta që zhytën komunitete të tëra dhe vranë dhjetëra njerëz.
Përmbytja la pas një peizazh shkatërrimi, veçanërisht në Valencia, rajoni më i goditur. Kërkimi për të vdekurit dhe të zhdukurit vazhdon, më shumë se një javë që nga goditja e përmbytjeve të 29 tetorit – si dhe një përpjekje gjigante pastrimi dhe rikuperimi
Sipas AP-së, përmbytjet historike shkaktuan 219 vdekje, 211 prej tyre vetëm në rajonin e Valencias. Shtatë persona të tjerë vdiqën në Castilla La Mancha fqinje dhe një tjetër në Andaluzinë jugore.
93 persona janë shpallur zyrtarisht të zhdukur, por autoritetet pranojnë se numri real mund të jetë më i lartë. 54 trupa të tjerë mbeten të paidentifikuar. Në total, 36 mijë e 605 njerëz janë shpëtuar, sipas autoriteteve.
