Policia në tre vende evropiane po kërkon ndihmë për identifikimin e 22 grave të vrara, emrat e të cilëve mbeten sekret. Trupat u gjetën në Holandë, Belgjikë dhe Gjermani midis 1976 dhe 2019.
Vrasja e pazbardhur e një gruaje në Amsterdam, e gjetur në një kosh plehrash në një lumë, ka nxitur lëvizjen e Interpolit.
Kjo është hera e parë që një grup ndërkombëtar policor del publik me një listë që kërkon informacione për trupa të paidentifikuar.
Të ashtuquajturat njoftime të zeza, të lëshuara si pjesë e një fushate të njohur si Operacioni Identify Me, zakonisht shpërndahen vetëm brenda rrjetit të forcave policore të Interpolit në mbarë botën.
Një grua e gjetur në një kontejner në Amsterdam në vitin 1999 ishte qëlluar në kokë dhe gjoks.
Detektivja mjeko-ligjore Carina Van Leeuwen është përpjekur të zgjidhë misterin që kur ajo iu bashkua ekipit të parë të rastit të ftohtë të qytetit në 2005.
Policia holandeze thotë se një rast zakonisht shkon “i ftohtë” kur mbetet i hapur dhe i pazgjidhur pas rreth tre vjetësh.
Pasi shteroi të gjitha përpjekjet, ajo dhe një koleg kontaktuan policinë në Gjermaninë dhe Belgjikën fqinje dhe mësuan për shumë raste të tjera të mundshme vrasjesh me viktima femra të paidentifikuara.
