Erdoğan dhe një delegacion turk mirëpritën në kompleksin presidencial Shehbaz Sharifin dhe delegacionin e tij, të cilët po qëndrojnë në një vizitë zyrtare treditore në Turqi
Presidenti i Turqisë, Recep Tayyip Erdoğan, mirëpriti sot kryeministrin pakistanez Shehbaz Sharif me një ceremoni zyrtare në kryeqytetin Ankara, raporton Anadolu Agency (AA).
Erdoğan dhe një delegacion turk mirëpritën në kompleksin presidencial Shehbaz Sharifin dhe delegacionin e tij, të cilët po qëndrojnë në një vizitë zyrtare treditore në Turqi.
Krerët do të kenë bisedime kokë më kokë përpara një takimi midis delegacioneve, i cili do të pasohet nga një ceremoni nënshkrimi marrëveshjesh dhe një konferencë e përbashkët shtypi.
Liderët më vonë do të bashkëngjiten në një darkë së bashku.
Ndër pjesëmarrësit në ceremoni ishin ministri i Jashtëm i Turqisë Mevlüt Çavuşoğlu, ministri i Thesarit dhe Financave Nureddin Nebati, ministri i Tregtisë Mehmet Muş, ministri i Mbrojtjes Kombëtare Hulusi Akar, ministri i Bujqësisë dhe Pylltarisë Vahit Kirişci dhe zyrtarë të tjerë.
Më herët gjatë ditës, Sharif vizitoi Anitkabirin, mauzoleun e Mustafa Kemal Ataturkut, themeluesit të Republikës së Turqisë, dhe vendosi një kurorë lulesh në varrin e tij.
Duke bërë homazhe për Ataturkun, Sharif shkroi në librin e kujtimeve: “Mustafa Kemal Ataturku mbetet frymëzim jo vetëm për turqit, por për të gjithë njerëzit liridashës”.
