Presidenti i FIFA-s, Gianni Infantino është i hapur ndaj idesë që Koreja e Veriut të presë Kupën e Botës në të ardhmen, pasi ai beson se kjo mund të sjellë ndryshim të vërtetë.
Kreu i FIFA-s adresoi polemikën për organizimin e Kupës së Botës në Katar në fundjavë dhe përsëriti se futbolli mund të përdoret për të bashkuar botën.
Ai thotë se beson se çdo komb duhet të ketë mundësinë të presë një turne ndërkombëtar.
“FIFA është një organizatë globale e futbollit. Ne jemi njerëz futbolli, jo politikanë dhe duam t’i bashkojmë njerëzit,” tha Infantino, siç raportohet nga The Athletic.
🚨 FIFA president Gianni Infantino says he would be open to North Korea hosting a World Cup to help “unite the world.” 🇰🇵 pic.twitter.com/c1yblfoQIs
— Football Tweet ⚽ (@Football__Tweet) November 21, 2022
Presidenti zbuloi se ai vizitoi Korenë e Veriut disa vite më parë për të parë nëse ata do të organizonin Kupën e Botës për femra.
“Çdo vend mund të presë një ngjarje. Nëse Koreja e Veriut dëshiron të presë diçka. Unë në fakt shkova në Korenë e Veriut disa vite më parë për t’i pyetur koreano-veriorët nëse ishin të gatshëm të organizonin një pjesë të Kupës së Botës për femra me Korenë e Jugut. Epo, padyshim Nuk pata sukses, por do të shkoja përsëri 100 herë nëse do të ndihmonte. Vetëm angazhimi mund të sjellë ndryshim të vërtetë. Ne jemi një organizatë globale dhe duam të mbetemi një organizatë që bashkon botën”, tha ai.
Infantino shtoi dëshirën e tij që 32 vendet që konkurrojnë në Kupën e Botës aktuale të fokusohen në futboll dhe të pranojnë besimet e ndryshme që mbizotërojnë në Katar.
