“Uroj 48-vjetorin e Operacionit tonë të Paqes në Qipro, i cili varrosi përgjithmonë përpjekjen kundër të drejtave, ligjit, ekzistencës dhe sovranitetit të popullit turk qipriot që është sovran, i barabartë dhe bashkëpronar i ishullit”
Türkiye shënoi sot 48-vjetorin e Operacionit të Paqes në Qipro të vitit 1974, i cili u tregua thelbësor për shpëtimin e turqve qipriotë nga fushata e dhunës etnike e zhvilluar nga grupet greke qipriote, trannsmeton Anadolu Agency (AA).
“Uroj 48-vjetorin e Operacionit tonë të Paqes në Qipro, i cili varrosi përgjithmonë përpjekjen kundër të drejtave, ligjit, ekzistencës dhe sovranitetit të popullit turk qipriot që është sovran, i barabartë dhe bashkëpronar i ishullit”, tha presidenti Recep Tayyip Erdoğan në Twitter.
Erdoğan kujtoi me mirënjohje veteranët dhe uroi mëshirën e Zotit për të vrarët.
Sulmet etnike që filluan në fillim të viteve 1960 i detyruan qipriotët turq të tërhiqen në enklava për sigurinë e tyre.
Në vitin 1974, një grusht shteti qipriot grek që synonte aneksimin nga Greqia çoi në ndërhyrjen ushtarake të Türkiyes si fuqi garantuese për të mbrojtur turqit qipriotë nga persekutimi dhe dhuna.
Republika Turke e Qipros Veriore (TRNC) u themelua në vitin 1983.
Qiproja është zhytur në një mosmarrëveshje prej dekadash midis grekëve qipriotë dhe turqve qipriotë, pavarësisht nga një sërë përpjekjesh diplomatike nga OKB-ja për të arritur një zgjidhje gjithëpërfshirëse.
Vitet e fundit ka pasur një proces paqësor pa ndërprerje, duke përfshirë një iniciativë të dështuar të vitit 2017 në Zvicër nën kujdesin e vendeve garantuese Türkiyes, Greqisë dhe Britanisë.
Administrata greke qipriote hyri në Bashkimin Evropian në vitin 2004, në të njëjtin vit kur grekët qipriotë prishën planin e shefit të atëhershëm të OKB-së Kofi Anan për t’i dhënë fund mosmarrëveshjes.
