“Zvicra vazhdon të jetë një nga partnerët më të rëndësishëm të Kosovës, me mërgatën tonë që luan një rol thelbësor në forcimin e bashkëpunimit mes dy shteteve tona”, tha Osmani
Presidentja e Kosovës, Vjosa Osmani, e cila po qëndron në Gjermani, ku po merr pjesë në Konferencën e Sigurisë në Mynih (MSC), ka takuar sot presidenten e re të Zvicrës, Karin Keller-Sutter, transmeton Anadolu.
Nëpërmjet një njoftimi për media nga Zyra e Presidentes së Kosovës, presidentja Osmani e ka konsideruar takimin me presidenten zvicerane si “të shkëlqyer”.
“Zvicra vazhdon të jetë një nga partnerët më të rëndësishëm të Kosovës, me mërgatën tonë që luan një rol thelbësor në forcimin e bashkëpunimit mes dy shteteve tona”, tha Osmani.
Ajo tha se do të vazhdojnë të punojnë ngushtë me presidenten Keller-Sutter për ta thelluar edhe më tej partneritetin Kosovë-Zvicër në fusha të interesit të ndërsjellë, e për të mirën e të dy popujve.
