Shefi i politikës së jashtme të Bashkimit Evropian, Josep Borrell ka ndarë një mesazh dhe disa fotografia nga takimi me kryeministrin e Kosovës, Albin Kurti dhe presidentin e Serbisë, Aleksandar Vuçiq.
Nëpërmjet Twitter-it, Borrell ka thënë se pret që palët të kenë “qasje konstruktive” ndaj një propozimi të BE-së për normalizimin e marrëdhënieve midis vendeve të tyre.
“Kam mirëpritur në Bruksel kryeministrin Albin Kurti dhe presidentin Aleksandar Vuçiq, në takimin e nivelit të lartë të dialogut Prishtinë-Beograd. Në agjendë: propozimi i BE-së për normalizimin e marrëdhënieve. Shpresoj që të dyja palët të kenë qasje konstruktive”, ka shkruar ai.
Takimi trepalësh në Bruksel ka nisur në ora 17:00,Një konferencë për media pas takimit, pritet ta mbajë vetë Borrell, për të njoftuar lidhur me rezultatet e takimit mes dy liderëve.
