Shkruan: Av. Faik MIFTARI
Po bëhet 1 vit nga paraqitja e korona virusit COVID-19 në Vuhan të Kinës, i cili u përhap gati në tërë globin tokësor. Pas një viti qytetarët anembanë botës po përballen me vaksinën kundër COVID-19 e cila tani është prodhuar apo është në prodhim të sipër nga disa shtete të botës.
Lidhur me vaksinën kundër COVID-19, bota është ndarë në dy pjesë, në ata që janë për vaksinim dhe kundër vaksinimit. Në grupin e parë për vaksinim masiv të popullatës janë OBSH-ja, kompanitë farmaceutike, Bill Gatesi, mjekët, qeveritë, mediat dhe rrjetet sociale, të cilit janë duke avokuar në të gjitha mënyrat e mundshme për vaksinimin masiv të popullatës në botë.
Në krye të saj paraprinë Organizata Botërore e Shëndetësisë(OBSH-ja) e cila edhe pse e proklamon vaksinimin masiv të popullatës, akoma nuk është e sigurtë se vaksina do ta çrrënjos virusin COVID-19. “Vaksinat nuk do të thonë zero COVID-19”, ka deklaruar Mike Ryan nga OBSH, duke theksuar se vaksinat në vete “nuk mund ta kryejnë punën”.
Kompanitë farmaceutike që kanë prodhuar vaksinën kundër COVID-19 apo që janë në fazën e prodhimit të vaksinës edhe pse proklamojnë se efikasiteti i vaksinave është prej 90-95%, asnjëra nuk po merr mbi vete përgjegjësinë për efektet anësore që vaksinat e tyre mund t’ju sjellin qytetarëve dhe se nga qeveritë e shteteve kërkojnë garancinë se do të jenë të mbrojtura nga paditë e mundshme të qytetarëve në gjykata .
Promotori kryesor i cili flet ditë e natë pandërprerë për pandeminë dhe vaksinat COVID-19, Bill Gatesi i cili njëherit është donator më i madh i programit të prodhimit të vaksinave kundër virusit COVID-19, në mënyrë publike ka paralajmëruar për efektet anësore të vaksinave duke thënë:” pasojat nuk janë super serioze, por ekzistojnë, dhe qëllimi ynë është që së paku 70-80% të popullatës në botë të vaksinojnë me më së paku nga dy dozat e pranuara për secilin njeri”.
Bota po përballet më shumë se 50 vite me sëmundjen e kancerit, 30 vite me AIDS-in dhe akoma gjer tani nuk është prodhuar ndonjë vaksinë kundër këtyre, e tani shkel e shko, për 2-3muaj, kompanitë e ndryshme farmaceutike kanë prodhuar apo janë në fazën e prodhimit vaksinat kundër virusit COVID-19. Akoma gjer më sot shkenca e mjekësisë nuk ka arritur të definojë, të izolojë apo të jep pamjen e vërtete të virusit, dhe për këtë virus nuk është mbajtur asnjë konferencë e vetme ose simpozium shkencor në të cilën ekspertët e mjekësisë do të paraqisnin mendimet e tyre shkencore lidhur me korona virusin COVID-19.
Edhe pse mjekët dhe shkencëtaret e fushës së mjekësisë pikësëpari do të duhej të japin fjalën e fundit dhe atë kryesore lidhur me këtë pandemi dhe vaksinën kundër COVID-19, për fat të keq shumica e tyre po heshtin apo janë imponuar të mos ngrenë zërin. Mjekët po zbatojnë në praktikë protokollin e OBSH-së për trajtimin e të sëmurëve në spitale, e cila terapi është më shumë joefikase dhe se më shumë po kontribuon në vdekjen e pacientëve se sa në shërimin e tyre.
Qeveritë e shteteve në botë pothuajse të gjithë pa nda, janë duke zbatuar rekomandimet e OBSH-së, edhe pse mendimet dhe rekomandimet e OBSH-së dita ditës po ndryshojnë. Qeveritë e shteteve janë duke ndërmarr masat më restriktive ndaj qytetarëve të vet që paraqesin shkelje flagrante e lirive dhe të drejtave njerëzore të garantuara me konventat kombëtare dhe ndërkombëtare.
Mediat janë vu në shërbim të plotë të zbatimit të rekomandimeve të OBSH-së lidhur me korona virusin dhe vaksinat. Ato kryesisht janë të imponuara apo edhe të paguara që të përcjellin informatat ashtu qysh ju diktohen, dhe të shkruajnë dhe të flasin atë që ju rekomandohet. Përcjellin kryesisht lajme nga OBSH-ja dhe Bill Gatesi, duke përhapur natë e ditë tek qytetarët panik dhe ndjellin frikë të paparë tek qytetarët e zakonshëm. Nga mediat lidhur me korona virusin është larguar fjala e lirë, liria e të shprehurit dhe të menduarit të cilat janë bazë e një shoqërie të lirë demokratike. Mediat me punën që janë duke bërë janë duke zbatuar shuarjen e sistemit demokratik dhe krijimin e sistemit diktatorial.
Rrjetet sociale, Facebooku, Twitteri, Instagrami, kanali You Tube, kanë aplikuar censurë të paparë gjer tani në historinë më të re internetit, duke mënjanuar të gjithë ata që shpërndajnë mendimin tjetër me atë të versionit zyrtar lidhur me pandeminë dhe vaksinimin COVID-19. Facebooku publikisht ka garantuar se do të largojë të gjitha mendimet, opinionet, shkrimet, që janë kundër vaksinimit anti COVID-19, që sipas tyre janë ” teori konspirative” vetëm e vetëm pse paraqesin mendime t ndryshme, për të cilën Zuckebergu ka thënë se po ”planifikojmë imponimin e informatave zyrtare për vaksinën për COVID-19”.
Në grupin e dytë, kundër vaksinimit masiv të popullatës nga korona virusi COVID-19 janë mjekët dhe ekspertët të paktë të fushës së mjekësisë , publicistët, portale të caktuara, qytetarët të zakonshëm, zëri i të cilëve po ngulfatet dhe mënjanohet nga aplikimi i censurës së paparë ndaj tyre në media dhe rrjete sociale.
Ish udhëheqësi i hulumtimeve respiratorike të kompanisë farmaceutike të Pfizerit dr. Michael Yeadon dhe ish udhëheqësi i sektorit për shëndetin publik dr. Wolfang Wodarg kanë kërkuar nga EMA( Agjensioni evropian i shëndetësisë, i cili është përgjegjëse për Bashkimin Evropian për lejimin e ilaçeve), që të “suspendojë të gjitha hulumtimet lidhur me vaksinat kundër COVID-19, gjersa të mos përjashtohet se vaksina kundër COVI-19 të mund të shkaktojë reaksion imunologjik kundër sincitinës-1, pasi që në të kundërtën tek femrat e vaksinuara do të mund të rezultojë me sterilitet për një kohë të pacaktuar. 70% të njerëzve të vaksinuar do të zhvillojnë anti trupa, të cilët mund të krijojnë alergji të ndryshme dhe reaksione të kobshme pas vaksinimit të tyre nga vaksina anti COVID-19”.
Dr. Antonietta Gatti, doktore biologjisë, specialiste e nanopatologjisë dhe nanotoksiologjisë ka konfirmuar se “vaksinat përmbajnë elemente të ndryshme inorganike të cilët mund të shkaktojnë sëmundje të shumta serioze pas vaksinimit dhe mund të ndryshojnë kodin gjenetik(RNK) të individit respektivisht të njeriut të vaksinuar”.
Doktori i njohur italian Roberto Petrella ka paralajmëruar popullin italian,duke sqaruar” se kjo vaksinë është një ndër vaksinat më të frikshme për njerëzimin,madje më e frikshmja e të gjitha kohërave. Ky është një projekt botëror,i cili prej vitesh me radhë,evoluon hap pas hapi,por njerëzimi nuk di asgjë për këtë plan shfarosës. I madhi Zot na dhëntë dije,udhëzim,fuqi,dhe durim përballë këtyre qenieve anti-humane e anti njerëzore”.
Profesori francez dr. Christian Perrone, i cili ka udhëhequr komitetin teknik të vaksinimit pran OBSH-së ka porositur se” në historinë e mjekësisë kurrë nuk kemi vaksinuar në rastet urgjente miliona njerëz për shkak të rrezikut të virusit i cili vret grupet e caktuara, të cilët mund të identifikohen dhe të shërohen. Vaksinat e Modernës apo Pfizerit nuk janë vaksina, ato janë produkte të terapisë gjenetike RNA, e jo vaksina. Munden përgjithmonë dhe në mënyrë të pakthyeshme të modifikojnë gjenet dhe kromozomet dhe eventualisht të përcillen edhe tek fëmijët tanë. Do të duheshin vite me radhë hulumtime dhe testime për këtë lloj të vaksinave, për të vërtetuar sigurinë e tyre, ndërsa për 2 muaj na kanë thënë se krejt është në rregull, ndërsa akoma ne nuk i kemi parë rezultatet e studimeve”.
Pulmologu i njohur serb dr. Branimir Nestoroviq thekson se nuk ka ndërmend “të vaksionohet, çoftë kjo edhe vaksina ruse SPUTNIK, pasi që vaksinat e prodhuara anti COVID-19 janë të shpejtuara, jo mjaftueshëm të testuara. dhe assesi të sigurta”.
Imunologu i njohu kroat dr. Srecko Sladovljev ka apeluar” se njerëzit janë në rrezik nga vaksinat e jo nga virusi COVID-19, vaksinat e gjertanishme të cilët kanë përmbajtur virusin e dobësuar dhe të mpirë të sëmundjes, apo gjurmë të proteinave të pastruara të virusit. Për dallim nga vaksina klasike, vaksinat RNK nuk kanë strukturën e cila në organizmin e njeriut do të ishte e njohur, por vetëm jep informatën për atë strukturë. Absolutisht nuk do të preferoja asnjë dozë të vetme të vaksinës kundër COVID-19. Po të pranojë këtë vaksinë të re RNK, njeriu shprehimisht do të ketë kryet në cungë”.
Prodhuesit e dy vaksinave kundër koronavirusit COVID-19, kanë refuzuar ftesën e Shtëpisë së Bardhë për një samit vaksinash që do të duhej të mbahet të martën. Administrata për ushqim dhe ilaçe (FDA-ja) amerikane pritet të takohet të enjten për të vendosur nëse do të miratojë vaksinat kundër COVID-19 të prodhuara nga kompanitë Moderna dhe Pfizer. Në Evropë Agjensioni evropian i shëndetësisë,(EMA) i cili është përgjegjëse për Bashkimin Evropian për lejimin e ilaçeve, akoma nuk ka vendosur lejimin e këtyre vaksinave. E vetmja është Britania e Madhe e cila ka lejuar përdorimin e vaksinave , implementimi i së cilëska filluar në ditën e sotshme, dhe kohë më parë edhe Rusia.
Së fundmi presidenti aktual i SHBA-ve Donald Trumpi si dhe presidenti i ardhshëm amerikan Joe Biden kanë deklaruar se” vaksina kundër COVID-19 nuk do të jetë e obligueshme, por do të jetë vullnetare, të cilën çdo qytetar amerikan mund ta marrë ose ta refuzojë, pa asnjë imponim eventual”.
Në Kosovë nuk ka të drejtë askush të detyrojë qytetarët të vaksinohen kundër vullnetit të tyre , pasi që kjo nuk do të jetë vetëm shkelje flagrante e lirive dhe të drejtave njerëzore, por dhe në kundërshtim të plotë me nenin 26 të Kushtetutës së Kosovës e cila garanton të drejtën e integritetit personal: “Secili person gëzon të drejtën e respektimit të integritetit fizik dhe psikik të tij/saj, që përfshin: (1) të drejtën që të marrë vendime lidhur me reprodukimin, sipas rregullave dhe procedurave të përcaktuara me ligj; (2) të drejtën që të ketë kontroll mbi trupin e saj/tij në pajtim me ligjin; (3) të drejtën që të mos i nënshtrohet trajtimit mjekësor kundër vullnetit të tij/saj në pajtim me ligjin; (4) të drejtën që të mos marrë pjesë në eksperimente mjekësore ose shkencore, pa pëlqimin paraprak të saj/tij.
Në fund i mbetet lexuesit të vendosë vet se a do pranojë të merr vaksinën kundër COVID-19, duke marr parasysh të gjitha efektet anësore të rrezikshme për shëndetin dhe jetën e tij, apo do të kundërshton me çdo çmim dhe do të refuzon vaksinimin për të mbrojtur veten dhe familjen e tij nga pasojat e paparashikueshme që mund të shkaktojë vaksina kundër COVID-19.
Vërejtje: Qëndrimet e autorëve nga kjo rubrikë, nuk domethënë që përfaqësojnë në mënyrë automatike edhe qëndrimet e redaksisë. Megjithatë, njohja e këtyre qëndrimeve është në interes të lexuesve, prandaj edhe publikimi i tyre. Për rrjedhojë autorët mbajnë përgjegjësi të plotë për sa u përket qëndrimeve rreth çështjeve të shtjelluara në fjalë.
