MEHMET Yasar Coskun, pronari i kompleksit të apartamenteve të shkatërruar nga tërmeti, u ndalua sot në aeroportin Sabiha Gokcen të Stambollit teksa po përpiqej të largohej nga Turqia. Kompleksi i tij rezidencial Renaissance Residence ndodhej në provincën Hatay në Turqinë juglindore. Coskun po tentonte të udhëtonte drejt Malit të Zi, raporton agjencia turke Anadolu.
Arrestimi u bë me urdhër të Zyrës së Kryeprokurorit Publik në lagjen Gaziosmanpasa të Stambollit. Sipas raportit, Coskun ka udhëtuar drejt Malit të Zi me një shumë të vogël parash që u konfiskua nga policia. Ende nuk është bërë e ditur zyrtarisht arsyeja e arrestimit të tij.
Depremde Antakya'da yıkılan 250 daireli Rönesans Rezidans'ın sahiplerinden müteahhit Mehmet Yaşar Coşkun, yurt dışına kaçmaya çalışırken İstanbul Havalimanı'nda böyle yakalandı https://t.co/AKXSrGu9MN pic.twitter.com/PR89AiJl5i
— Sözcü (@gazetesozcu) February 10, 2023
Ministri ka nisur hetimet dje
Kompleksi i tij rezidencial 12-katësh kishte gjithsej 250 apartamente dhe ndodhej në lagjen Antakya të Hatajit. Kompleksi reklamohet si nje rezidence luksoze qe perputhet me rregulloren e ndertimit. Megjithatë, ai u shkatërrua plotësisht nga një tërmet me magnitudë 7.8 që goditi qytetin e Gaziantep të hënën në mëngjes, pasuar menjëherë nga një tërmet me magnitudë 7.5 në provincën Kahramanmaras.
Ministri turk i Drejtësisë njoftoi dje se ka nisur një hetim gjyqësor për ndërtesat e shembura gjatë tërmetit. Hetuesit do të përpiqen të identifikojnë përgjegjësit që ndërtuan ndërtesat ose do të mbajnë përgjegjësi për prishjen e tyre në 10 provincat më të goditura.
“Ata që kanë qenë të pakujdesshëm, që kanë bërë gabime dhe që janë përgjegjës për pasojat pas tërmetit, do të identifikohen dhe do të mbajnë përgjegjësi përpara sistemit të drejtësisë”, tha ministri i Drejtësisë Bekir Bozdag, shkruan Middle East Eye.