Policia e Kosovës me anë të një komunikate për media ka publikuar formën e fletëqortimit që do të aplikohet nga zyrtarët policorë në të gjithë territorin e Kosovës, përfshirë edhe në pikat e kalimit kufitar, transmeton Gazeta Metro.
Në komunikatën e tyre thuhet se janë bërë të gjitha planifikimet me qëllim të zbatimit të vendimit nga Qeveria e Kosovës për targat.
”Policia e Kosovës, referuar vendimit të Qeverisë së Republikës së Kosovës të datës 28.10.2022 me Nr. 05/103, i cili ka të bëjë me procesin e regjistrimit të mjeteve nga targa PR”, “KM”, “PZ”, “GL”, “UR”, “PE”, “DA” apo “ĐA” në targa RKS, ka bërë të gjitha planifikimet e saja me qëllim të zbatimit të këtij vendimi,”shkruan PK në Facebook.Kujtojmë se sipas vendimit të Qeverisë së Kosovës periudha e qortimit do të fillojë nga nesër (1 nëntor) deri më 21 nëntor.
Ndërsa nga 21 nëntori deri më 21 janar për të gjithë pronarët e mjeteve që qarkullojnë në territorin e Republikës së Kosovës me targa të tilla do të ju shqiptohet gjobë. /gazetametro.net
Komunikata e plotë:
