Autoritetet boshnjake kanë sekuestruar 124 kilogramë kokainë të paketuar në kuti bananeje pasi u gjet nga punëtorët në një magazinë në qytetin jugperëndimor të Siroki Brijeg.
Agjencia Shtetërore e Hetimit dhe Mbrojtjes së Bosnjës, SIPA konfirmoi të hënën sekuestrimin e 124 kilogramëve kokainë që u gjetën në kuti bananesh në një magazinë në qytetin Siroki Brijeg.
“Mund të konfirmoj sekuestrimin, hetuesit kanë bërë pjesën e tyre të punës, por për shkak të hetimeve në vazhdim, nuk mund të jap më shumë detaje,” tha për BIRN Jelena Miovcic, zëdhënësja e SIPA-s.
Sipas raporteve të mediave boshnjake, punëtorët në një kompani importi frutash dhe perimesh gjetën kokainën të paketuar në kuti në depon e kompanisë.
Sipas vlerësimeve, vlera në rrugë e një droge të sekuestruar është rreth 10 milionë euro, duke e shënuar atë si një nga konfiskimet më të mëdha të drogës në historinë e Bosnje-Hercegovinës.
Kjo nuk është hera e parë që policia gjen dërgesa droge në magazinat boshnjake.
Në gusht të vitit të kaluar, Administrata e Policisë së Republikës Srpska kapi 73 kilogramë kokainë nga një magazinë në qytetin e Doboj, e cila thuhet se kishte përfunduar aksidentalisht në Bosnjën qendrore.
Në prill të vitit 2021, një kompani në qytetin e Tuzlës porositi një ngarkesë banane, por në vend të saj mori një kontejner me 500 kilogramë kokainë.
Policia priti në një port në Ploce në Kroaci që dikush të mbërrinte për të marrë ngarkesën, por askush nuk e bëri.
Në janar 2022, në Mal të Zi u gjetën rreth 400 kilogramë kokainë, e paketuar gjithashtu në kuti bananesh.
Nuk u zbulua derisa arriti në magazinë e zinxhirit më të madh të shitjes me pakicë në vend, ku u gjet nga punëtorët. Një person është arrestuar.
