Presidenti rus, Vladimir Putin, thuhet se është përfshirë në mënyrë më aktive në planifikimin strategjik të luftës në Ukrainë.
Sipas zyrtarëve amerikanë të cituar nga New York Times, Putini ka refuzuar një tërheqje ushtarake nga qyteti jugor i Khersonit, duke çuar në rënie të moralit midis trupave të cilëve u janë ndërprerë linjat e furnizimit.
Sipas NYT, bazuar në vlerësimet e inteligjencës amerikane, Putini ka ndaluar tërheqjen e forcave ruse nga ana e djathtë e Dnipros, që është një nga lumenjtë kryesorë ndërkufitarë të Evropës i cili kalon në Detin e Zi.
Nga pikëpamja ushtarake do të ishte më mirë të tërhiqeshin këto forca dhe të vendosej një pozicion mbrojtës në anën e majtë, ku atje është thellësia strategjike, e cila, në rast të dobësimit të sulmit ukrainas, mund të përdoret si pikë sulmi.
Putini nuk mund ta pranonte një opsion të tillë sepse Khersoni, qyteti që ra në duart e rusëve në ditët e para të agresionit – pothuajse pa rezistencë dhe për shkak të tradhtisë – do të shpallej si i humbur, e cila do të bazohej në sukseset e Ukrainës në rajonin e Kharkivit, dhe kjo do të ishte politikisht e papranueshme për Kremlinin. Edhe pse disa nga komandantët interpretuan se duke u tërhequr, ata mund të linin një pjesë më të vogël të forcave në front dhe të transferonin një pjesë të tyre në lindje, të cilët janë gati të marrin zonën e Luhanskut në tërësi. Por Putini tha jo. NYT shkruan se edhe nazisti Adolf Hitler mori komandën në fund të luftës, por i solli vetëm humbje.
Khersoni është gjithashtu një nga katër territoret e pushtuara nga Rusia ku po zhvillohen të ashtuquajturat referendume për bashkimin me Rusinë.
“Është shumë herët për një vlerësim të plotë, por është e qartë për mua se nisma strategjike është zhvendosur tek ukrainasit,” i tha gazetës dje gjenerali Mark Milley, kryetar i Shefave të Shtabit të Përbashkët.
Një zyrtar tjetër tha: “Në këtë luftë ka pasur një mospërputhje të vazhdueshme midis objektivave politike të Putinit dhe mjeteve ushtarake për t’i arritur ato.”
Përfshirja më e madhe strategjike e Putinit thuhet gjithashtu se ka krijuar tension me komandantët ushtarakë, pasi ai po u thotë atyre se çdo vendim në terren është i tij.
Presidenti rus shpreson të shmangë çdo fitore të Ukrainës që mund të zvogëlojë më tej popullaritetin e luftës në vend.
