Publiku në vendin afrikan të Zimbabve sulmoi ashpër qeverinë atje dhe Komitetin Olimpik për shkak të delegacionit të madh që mbërriti në Paris si turist.
Në një vend që zhytet në një krizë të thellë ekonomike, ata pyesin veten se si është e mundur që Zimbabve të përfaqësohet në lojëra me shtatë sportistë, ndërsa delegacioni numëron më shumë se 60 persona. Protestat nisën edhe në disa pjesë të vendit kundër Komitetit Olimpik, presidenti i të cilit Tabani Gonje tha se shumica e njerëzve nuk kanë një pozicion zyrtar në delegacion.
“Delegacioni ynë zyrtar përbëhet nga vetëm nëntë zyrtarë shoqërues. Këtu përfshihen ekipet stërvitore dhe mjekësore. Të gjithë personat e tjerë erdhën privatisht, pa asnjë ndikim tek sportistët tanë, por përkundrazi promovojnë vendin tonë në Lojërat Olimpike. Kemi disa biznesmenë, njerëz të sektorit të biznesit, por edhe përfaqësues të qeverisë, si nënkryetarin, ministrin e sportit e të tjerë. “Disa prej tyre udhëtuan me avionë privatë dhe nuk ishin pjesë e përzgjedhjes zyrtare të Zimbabvesë”, tha Gonje.
Publiku në vendin prej afro 17 milionë banorësh është i indinjuar nga masa, pasi Zimbabve konsiderohet si një nga vendet më të varfra në kontinentin afrikan.
