Raportohet se profesoresha Latifi-Pupovci u sulmua nga gjinekologu Arsim Gashi, ia rrëzoi djalin nga provimi

Gjinekologu në kujdesin parësor shëndetësor të komunës së Prishtinës, Arsim Gashi, dyshohet se është personi që ka sulmuar profesoreshën Hatixhe Latifi-Pupovci.

Rasti ka ndodhur sot në Fakultetin e Mjekësisë rreth orës 14:30, pasi Gashi ka shkuar së bashku me të birin tij i cili është student tek profesoresha Latifi-Pupovci.

Sipas raportimeve, dyshohet se Gashi e ka grushtuar Latifi-Pupovcin, për shkak të disa pakënaqësive lidhur me ankesat e djalit të tij, shkruan gazeta shneta.

Vet Latifi-Pupovci ka thënë se është sulmuar nga Gashi pasi e ka rrëzuar nga provimi djalin e tij.

“Ngjarja ndodhi mbasi e rrezova në provim, një student atu kishte qenë tu e prit baba, te dera. Edhe në momentin që dul djali sigurt i ka thanë që është rrëzuar dhe asnjë minutë nuk ka shkuar ka hy babai i thij dhe tha që jam doktor arsimi gjinekolog tha e ke thirr në provim me gojë mandej i thash është rrzu nga provimi u kry kjo punë tha e qka pas kësaj a e paramendon qka ndodh jo jom njeri që nuk më intereson u qu edhe më sulmoi”, tha Pupovci për Insajderin.

Rasti është konfirmuar edhe nga Policia e Kosovës, ndërsa drejtori i Emergjencës Naser Syla ka thënë se gjendja shëndetësore e profesoreshës është e stabile.

“Po, e kemi marrë një paciente me traumë dhe ka lëndime në fytyrë. Gjendja e saj është stabile dhe tani është liruar për në shtëpi. ka thënë drejtori i Emergjencës në Prishtinë, Naser Syla.

Kategoritë
LajmeVendi