Saga e largimit të Jonathan Motley nga Hapoeli i Tel Avivit më në fund ka përfunduar, pasi qendra e shkëlqyer u lidh për javë të tëra me Real Madridin, Crvena Zvezdën dhe ekipe të tjera të Euroligës.
Motley së fundmi kërkoi prishjen e kontratës me Hapoelin dhe kërkesën e tij e justifikoi duke thënë se kishte frikë për shkak të gjendjes së luftës në vend.
Hapoeli nuk pranoi prishjen e kontratës dhe në fund çështja përfundoi në duart e FIBA-s, e cila, sipas burimeve nga Izraeli, e refuzoi kërkesën e Motley-t, dhe amerikani do të duhet të mbetet pjesë e Hapoelit për pjesën e mbetur të sezonit.
Kjo do të thotë që klubet e interesuara duhet të paguajnë dëmshpërblim për Motley-n, ndërkohë që ai dyshohet se ka udhëtuar për në SHBA, i vendosur të mos paraqitet më në stërvitjet e ekipit.
Thuhet se FIBA nuk deshi t’i mundësonte Motley-t prishjen e kontratës, pasi edhe lojtarë të tjerë që luajnë në Izrael, por edhe në Rusi, mund të ndiqnin të njëjtën rrugë.
Në fund, mediat izraelite raportojnë se Motley nuk do të kthehet aspak në ekipin e Hapoelit dhe do të presë që kontrata e tij të përfundojë, për të kërkuar më pas një klub të ri si lojtar i lirë.
