Cristiano Ronaldo u kritikua pas ndeshjes mes Al-Nassr dhe Al-Hilal kur bëri një gjest të turpshëm ndaj tifozëve të ekipit kundërshtar.
Prej vitesh tifozët e skuadrave kundër të cilave luan Ronaldo provokojnë portugezin duke brohoritur “Messi, Messi” nga tribuna dhe deri mbrëmë ai nuk ka reaguar fare për këtë.
Mirëpo, pasi mbrëmë Al-Nassr-i i tij u mund në rrugë me rezultat 2:0 dhe u largua nga titulli i kampionit të Arabisë Saudite, Ronaldo ishte dukshëm nervoz dhe ra për provokime nga tribuna.
Ronaldo's reaction in today's game when the opponent's fans were chanting Messi's name 😂pic.twitter.com/5GNOQREnCA
— Jan (@FutbolJan10) April 18, 2023
Kur u largua nga fusha, Ronaldo u përgjigj duke kapur bigën e tij ndaj thirrjeve “Messi, Messi” nga tribuna, gjë që u dënua në rrjetet sociale.
Kështu, pas ndeshjes së 24-të të sezonit, Al-Nassr mbeti me 53 pikë, tre më pak se lideri Al-Ittihad, i cili gjithashtu ka një ndeshje më pak. Në kampionatin saudit luhen 30 xhiro dhe do të jetë një mrekulli e vërtetë nëse Al-Ittihad nuk kurorëzohet me titullin kampion.