Ish-ylli i klubeve Real Madrid dhe Manchester United tha se “gjithçka në Francë është PSG” dhe se “pjesa tjetër ka përfunduar”
Ylli i futbollit portugez Cristiano Ronaldo, i cili luan për klubin saudit Al-Nassr që nga viti 2023, ka këmbëngulur se liga e futbollit saudit është më e mirë dhe më konkurruese se Liga 1 e Francës,
“Liga franceze? Thjesht… nuk më intereson se çfarë mendojnë njerëzit. Por ata duhet të shkojnë atje (Arabi Saudite) për të luajtur dhe për të parë dhe vrapuar në një temperaturë 38, 39 ose 40 gradë Celsius… të vrapojnë disa herë dhe të shohin”, tha Ronaldo gjatë ndarjes së çmimeve ‘Globe Soccer Dubai’.
Ish-ylli i klubeve Real Madrid dhe Manchester United tha se “gjithçka në Francë është PSG” dhe se “pjesa tjetër ka përfunduar”.
“Të tjerët konkurrojnë, por PSG-ja është më e forta. Askush nuk mund të konkurrojë me ta. Ata kanë lojtarë më të mirë. Klubi (PSG) ka më shumë para. Ky është një fakt”, tha Ronaldo.
Ai u shpreh “shumë i lumtur” se është pjesë e ligës saudite të futbollit, duke theksuar se “liga saudite është ende në zhvillim, shumë lojtarë u zhvendosën atje dhe infrastrukturore po përmirësohet dhe po përmirësohet”.
Këto komente të ngjashme, Ronaldo i bëri edhe në muajin janar.
“Në ligën franceze, mendoj se keni dy ose tre klube të një niveli të mirë. Liga saudite është më konkurruese. Kështu që e di se për çfarë po flas. Por mendoj se tani, ne (Liga e Arabisë Saudite), jemi më të mirë se liga franceze. Ne akoma jemi duke u përmirësuar”, tha ai në fillim të këtij viti.
Ronaldo, i cili është fitues i Ligës së Kampionëve UEFA pesë herë dhe fitues i Topit të Artë po ashtu pesë herë, u emërua lojtari më i mirë i vitit në Lindjen e Mesme gjatë ndarjes së çmimeve ‘Globe Soccer Dubai’ dhe siguroi edhe çmimin golashënuesi më i mirë i të gjitha kohërave.
Sulmuesi brazilian i klubit Real Madrid, Vinicius Junior, fitoi çmimet sulmuesi më i mirë i vitit dhe lojtari më i mirë i vitit.
Jude Bellingham, po ashtu ylli i klubit Real Madrid dhe i Anglisë, fitoi çmimin mesfushori më i mirë i vitit, ndërsa Lamine Yamal i Spanjës dhe Barcelonës u nderua me çmimin lojtari më i mirë në zhvillim, pasi ndihmoi Spanjën të fitojë titullin UEFA në kampionatin EURO 2024 në Gjermani.
