Cristiano Ronaldo nënshkroi mbrëmë kontratën më të madhe në historinë e futbollit dhe do ta mbyllë karrierën e tij në Saudi Al-Nassr.
Ronaldo ka nënshkruar kontratë deri në verën e vitit 2025 dhe do të fitojë 500 milionë euro, por tani fjalët që ka thënë në vitin 2015 po i kthehen si bumerang.
In 2015, Cristiano Ronaldo spoke about his desire to finish his career at the top level. pic.twitter.com/A0evhhsQAs
— ESPN FC (@ESPNFC) December 30, 2022
Në atë kohë, Ronaldo deklaroi si i ftuar në emisionin e Jonathan Ross se “ai do ta mbyllë karrierën e tij në një nivel të lartë, me dinjitet dhe në një klub të madh”.
Por realiteti është se ditët e fundit të futbollit ai do t’i kalojë në Arabinë Saudite, liga e së cilës është shumë më e dobët në krahasim me kampionatet evropiane të futbollit dhe për këtë arsye nuk është çudi që deklarata e tij të shpërndahet në rrjetet sociale.
Megjithatë, Ronaldo duket se nuk kujdeset shumë për këtë. Ka 500 milionë arsye.