NEYMAR është i pangushëllueshëm pas eliminimit në çerekfinale të Kupës së Botës nga Kroacia. Superylli brazilian është lajmëruar disa herë me postime të trishta në rrjetet sociale. Madje ai ka publikuar edhe korrespondencë me shokët e ekipit kombëtar për të treguar gjendjen psikologjike të gjithë ekipit.
Paraqitjet e tij u shoqëruan nga bashkatdhetari i tij legjendar Ronaldo Nazario: “Do ta këshilloja të kërkonte ndihmë psikologjike për të përballuar këtë presion të rrezikshëm për një mashkull. Neymar do të kthehet me të njëjtin pasion dhe dëshirë. Por dua të theksoj nevojën të kujdesemi për shëndetin mendor të lojtarëve tanë”, tha Ronaldo dhe më pas shtoi:
“Është shumë e rëndësishme që ne ta trajtojmë këtë çështje, veçanërisht kur bëhet fjalë për Kupën e Botës. E gjithë bota po e shikon kombëtaren e Brazilit dhe e gjithë bota po shikonte Neymar.”
