Trajneri i DC United, Wayne Rooney, bëri deklarata për ish-bashkëlojtarin e tij në Manchester United, Cristiano Ronaldo.
“Ronaldo është lojtari më i mirë i të gjitha kohërave së bashku me Messin, por ajo që ka bërë që nga fillimi i sezonit është e papranueshme për Manchester United”, tha Rooney.
Duke iu referuar mbrojtjes së Roy Keane ndaj yllit portugez pas ndeshjes së Tottenhamit, ku Ronaldo refuzoi të hynte në lojë, Rooney tha: “E pashë Roy-n duke e mbrojtur atë. Roy nuk do ta pranonte një gjë të tillë”.
Më në fund, futbollisti anglez tha: “Gjëja e fundit që i duhet Manchester United tani është një shpërqendrim për skuadrën që po përpiqet të rindërtojë. Cristiano duhet të mbajë kokën ulur dhe të jetë gati të luajë kur trajneri ka nevojë për të. Nëse e bën, do të jetë e vlefshme. Nëse ai nuk e bën këtë, do të bëhet një shpërqendrim.”
