Të paktën një person ka humbur jetën dhe 4 të tjerë janë plagosur pasi një avion kargo është rrëzuar mbi një ndërtesë në afërsi të Aeroportit Ndërkombëtar “Vilnius” në kryeqytetin e Lituanisë, Vilnius
Siç raporton Radiotelevizioni Kombëtar i Lituanisë, LRT, avioni i cili është nisur nga qyteti gjerman Leipzig për në Vilnius, është rrëzuar mbi një ndërtesë në afërsi të aeroportit në orën 05:30 me kohën lokale.
Një zyrtar i Njësisë Zjarrfikëse dhe të Shpëtimit (PAGD) tha se ka shpërthyer zjarr në ndërtesën ku është rrëzuar avioni. Ai tha njëri nga pilotët është shpëtuar ndërkaq sipas vlerësimeve të para në aksident ka humbur jetën një person, ndërsa 4 të tjerë janë plagosur.
Zyrtarët njoftuan se vazhdojnë punimet e kërkim-shpëtimit.
Ndërkohë, zyrtarët e aeroportit thanë se avioni ishte i kompanisë gjermane të logjistikës, DHL.
