Ministria e Mbrojtjes e Rusisë njoftoi se ekuipazhet gjatë stërvitjes praktikuan manovra taktike kundër mjeteve ajrore pa pilot dhe mjeteve sipërfaqësore pa pilot të një armiku të simuluar, si dhe gjuajtje me artileri në objektiva detare dhe ajrore
Forcat detare të Rusisë dhe Indisë kanë kryer stërvitje të përbashkëta ushtarake në kuadër të stërvitjeve detare “Indra Navy-2025” në Gjirin e Bengalit, transmeton Anadolu.
Ministria e Mbrojtjes e Rusisë njoftoi se ekuipazhet gjatë stërvitjes praktikuan manovra taktike kundër mjeteve ajrore pa pilot dhe mjeteve sipërfaqësore pa pilot të një armiku të simuluar, si dhe gjuajtje me artileri në objektiva detare dhe ajrore.
Stërvitjet gjithashtu përfshinin operacione përcjellëse shoqëruese të anijeve dhe një stërvitje ri-mbushëse në vazhdim me cisternën ruse të flotës Pechenga.
“Ekuipazhet e aviacionit detar nga të dyja palët ishin të përfshira. Një helikopter rus ‘Ka-27M’ u ul në kuvertën e gjuajtësit indian Rana dhe një helikopter indian Chetak u ul në një kovertë ruse”, tha ministria ruse.
Sipas ministrisë, Rusia u përfaqësua nga korvetat e Flotës së Paqësorit Rezkiy dhe Heroi i Federatës Ruse Aldar Tsydenzhapov dhe cisterna e mesme detare Pechenga. India vendosi shkatërruesin INS Rana dhe korvetën INS Kuthar.
“Anijet u kthyen në portin Chennai për informim dhe ceremoninë zyrtare të mbylljes së stërvitjes”, tha ministria.
