Nuk ka asnjë mënyrë më të mirë që prindërit t’i “fusin” fëmijët të flenë mirë, por ekspertët thonë se ju mund t’i ndihmoni ata të flenë të qetë, pavarësisht se çfarë.
Akademia Amerikane e Pediatrisë (AAP) rekomandon që foshnjat të ndajnë një dhomë me prindërit e tyre derisa të jenë të paktën gjashtë muajsh. Megjithatë, i vogli duhet të flejë në krevat fëmijësh, jo në shtrat me prindërit.
Hulumtimet kanë treguar se kjo praktikë zvogëlon përgjysmë rrezikun e sindromës së vdekjes së papritur të foshnjave në krahasim me metodat e tjera të gjumit, raporton Parents.com.
Nga ana tjetër, nëse foshnja fle me ju, po e vendosni në rrezik të madh. Mund të shkaktojë mbytje, ngecje mes dyshekut dhe kornizës së krevatit nëse lëviz shpesh gjatë natës dhe shumë probleme të tjera.
Kur të mbushë gjashtë muajsh, lëreni të flejë në dhomën e tij në një krevat fëmijësh. Vendoseni fëmijën në shpinë, hiqni të gjitha sendet e panevojshme nga djepi dhe sigurohuni që temperatura në dhomë të jetë ndërmjet 20 dhe 22 gradë Celsius. Sigurisht, një monitor për fëmijë mund të jetë gjithashtu i dobishëm për ju që të dini se çfarë po ndodh në çdo kohë.
