Salah nga sot mund të negociojë me të tjerët, ka marrë një ofertë fenomenale prej 500.000 eurosh në javë

Një nga futbollistët më të mirë në botë aktualisht, Mohamed Salah, nga sot është i lirë të negociojë me çdo klub që e dëshiron, dhe thuhet se kjo i ka sjellë një ofertë fenomenale nga Franca.

Salah (32) po luan në mënyrë fantastike këtë sezon dhe me paraqitjet e tij të shkëlqyera po udhëheq Liverpool-in drejt titullit në Premier League. Megjithatë, me fillimin e janarit, Salah ka mundësinë të negociojë me çdo klub, pa dijeninë e Liverpool-it, pasi kontrata e tij skadon brenda gjashtë muajve të ardhshëm, sipas rregullave të UEFA-s.

Edhe pse mediat angleze më herët raportuan se Salah kishte rënë dakord për të zgjatur kontratën me Liverpool-in, kjo marrëveshje nuk është formalizuar kurrë. Derisa të firmosë me Liverpool-in, ai mund të negociojë lirshëm me palë të tjera pa miratimin e klubit.

Lidhur me këtë, sot në mëngjes mediat franceze publikuan një lajm bombastik. Gazetari francez Romain Collet Gaudin pretendon se klubi i madh Paris Saint-Germain ka dërguar një ofertë të pabesueshme për Salah, me një pagë prej 500.000 eurosh në javë.

Bëhet fjalë për një kontratë trevjeçare që PSG i ofron egjiptianit. Edhe pse Salah ka një marrëveshje verbale me Liverpool-in, është e mundur që oferta kaq tërheqëse e PSG-së ta bindë atë.

Pavarësisht se çfarë është diskutuar midis Salahut dhe Liverpool-it, mediat franceze sugjerojnë se oferta e PSG-së është dukshëm më e mirë se ajo që Liverpool ka ofruar për yllin e tij më të madh.

Salah nuk ka pse të shqetësohet për situatën aktuale, pasi mënyra se si po luan tani mund t’i sigurojë një kontratë në cilindo klub që dëshiron. Gjithashtu, klubet saudite kanë shprehur prej kohësh interes të madh për ta parë atë në Pro Ligën e tyre.

Kategoritë
Sport