Numri 10 do të tërhiqet nga klubi brazilian Santos, ku u bë i famshëm legjendar Pele.
Së fundmi Pele u nda nga jeta në moshën 83-vjeçare dhe vajzat e tij u dërguan një kërkesë drejtuesve të Santos për të tërhequr numrin që babai i tyre mbante prej vitesh në fanellën e atij klubi.
“Ne do t’ia propozojmë Bordit të Drejtorëve. Ka një procedurë për një gjë të tillë, është e nevojshme që anëtarët e bordit të mblidhen dhe ta miratojnë”, tha presidenti i Santos, Andres Rueda.
Rueda bëri të ditur gjithashtu se numri 10 do t’i merret përkohësisht sulmuesit Yeferson Soteld nga janari dhe ai do të duhet të gjejë një numër të gjatë në fanellë. Pas kësaj, drejtuesit e Santos do të ndalojnë zyrtarisht çdo lojtar që të zgjedhë numrin 10.
Pele luajti për Santos nga viti 1956 deri në 1974 dhe shënoi 643 gola në 659 ndeshje në të gjitha garat.
