Futbollistët e Serbisë dhe Sllovenisë sot nga ora 15:00 do të luajnë ndeshjen e xhiros së dytë të grupit C në Kampionatin Evropian, ndërsa para ndeshjes tifozët e të dyja përzgjedhjeve krijojnë një atmosferë të bukur në rrugët e Mynihut.
Disa mijëra serbë kanë qenë në sheshin kryesor të Mynihut, Marienplatz, që nga orët e mëngjesit dhe kur kanë parë sllovenët para tyre, kanë menduar një mënyrë interesante për të provokuar.
Luka Donçiq është njëri prej nesh!
🗣️🇷🇸: Luka Dončić jedan je od nas! pic.twitter.com/qhLx37RZe2
— B92 Sport (@b92sport) June 20, 2024
Luka Donçiq, një prej basketbollistëve më të mirë në botë, ka lindur në Lubjanë dhe është një slloven krenar, por tifozët serbë aluduan për faktin se origjina e tij është serbe.
Babai i Lukës, Sasha, gjithashtu ka lindur në Slloveni, por ai gjithmonë ka theksuar se është krenar për origjinën e tij serbe.
Sot në Mynih me fillim nga ora 15:00 luhet ndeshja ndërmjet Sllovenisë dhe Serbisë.
