Një çift i moshuar u dërgua në spital pasi makina me të cilën po udhëtonin dje nëpër rrugët e Seulit në Korenë e Jugut u “gëlltit” nga një gropë.
Gruaja pësoi arrest kardiak dhe personeli mjekësor i ofroi reanimim.
Sipas mediave, gropa ndoshta u hap para se ata të përplaseshin në të. Është nisur një hetim për të zbuluar shkakun.
Një situatë e ngjashme ndodhi kohët e fundit në Kuala Lumpur, kur një grua indiane ra në një vrimë që u krijua papritmas në rrugë, dhe gruaja ende konsiderohet e zhdukur.
Policia ka frikë se ajo është marrë nga uji nëntokësor. Autoritetet e qytetit anuluan festimin e Merdeka-s nga respekti për turistën që ishte në një pushim dy-mujor me familjen e saj dhe që së shpejti do të kthehej./Gazetaere
