Trendet e “TikTokut” në botë nuk kanë të ndalur.
Shumë shpesh të njëjtat del të dëmtojnë rëndë edhe gjendjen psikike e fizike të njerëzve.
Gjendja rëndohet kur këto trende e lojëra u ekspozohen fëmijëve e të miturve.
Shkalla e rrezikshmërisë në të tilla raste rritet.
E një sfidë e re, e rrezikshme, po qarkullon në platformën “TikTok”, për të cilën të rinjtë shqiptarë e prindërit duhet të bëjnë kujdes.
Paralajmërimi fillimisht erdhi nga kryetarja e Autoritetit të Medias Audiovizive, Armela Krasniqi, e cila ka nxjerrë një njoftim në rrjetet e saj sociale për prindërit dhe adoleshentët.
Në Rumani, prej sfidës së njëjtë kanë përfunduar në spital dhjetëra adoleshentë, me fraktura të rënda, quhet, “Sfida e Supermenit” dhe konsiston në hedhjen me njërën dorë përpara, njësoj si personazhi për fëmijë, Superman, për t’u kapur, ose jo, nga miqtë.
Në dhjetëra ka shkuar numri i adoleshentëve të prekur që kanë pësuar shumë fraktura dhe trauma të rënda.
Edhe sociologu kosovar, Jeton Brajshori, ka ngritur shqetësimin e tij për lojërat e rrezikshme që po luhen nga fëmijët.
Ai së fundmi në një postim në Facebook, ka apeluar për kujdes për lojën e re të rrezikshme të quajtur “ Spiderman”, ose edhe “ Superman”.
Rastet e lëndimeve që bazën e kanë në trendet e “TikTokut” për fëmijët këtë vit del të jenë të shpeshta në vendin tonë.
Në gjashtëmujorin e parë të këtij viti pati raste të vetëlëndimeve të nxënëseve në komunën e Fushë Kosovës e të Lipjanit.
Ndërsa në muajin tetor dhjetëra raste vetëlëndimi ndodhën vetëm në qytetin e Gjakovës./Lajmi.net
