Është bërë e ditur se SHBA do t’ia dorëzojë Izraelit MOAB-in, bombën më të fuqishme josbërthamore, e cila njihet si “Nëna e të gjitha bombave”.
SHBA po përgatitet të dorëzojë bombën GBU-43B ‘Massive Ordnance Air Blast’ (MOAB), e cila njihet gjerësisht si “Nëna e të gjitha bombave” (Mother of All Bombs).
MOAB, në kohën kur u zhvillua, u prezantua si arma më e fuqishme josbërthamore në arsenalin e ushtrisë amerikane.
Për herë të parë, kjo bombë u përdor më 13 prill 2017 në sulmet ajrore ndaj strehimoreve të ISIS-it në Afganistan.
DORËZIMI I BOMBËS PËR IZRAELIN
Ndërsa samiti SHBA-Izrael vazhdon të mbetet në qendër të vëmendjes, një zhvillim i ri ka tërhequr vëmendje.
Përfaqësuesi i posaçëm i Trump për Lindjen e Mesme, Steve Witkoff, ka bërë të ditur se Izraelit do t’i dorëzohet një nga sistemet më të fuqishme josbërthamore të armëve.
Sipas deklaratës së Witkoff-it, Pentagoni do të dërgojë bomba masive me peshë 11 tonë, të cilat janë të afta të shkatërrojnë strehimore të thella nëntokësore.
KËRKESE PREJ VITESH
Izraelitët i kanë kërkuar këto bomba gjigante që nga fillimi i viteve 2000, por të gjithë presidentët nga George W. Bush deri te Joe Biden e kishin refuzuar këtë eksport.
