“Ftojmë regjimin e Asadit të lejojë që ndihma të kalojë nëpër të gjithë kufijtë, të lejojë shpërndarjen e ndihmave në të gjitha zonat e prekura nga tërmeti”, tha Blinken
Sekretari amerikan i Shtetit, Antony Blinken, i bëri thirrje regjimit të Asadit të hapë pikat kufitare për të ofruar ndihmë ndërkombëtare për sirianët e prekur nga tërmetet, transmeton Anadolu.
Në deklaratën e tij me shkrim, Blinken tha se tërmetet prekën miliona njerëz në Türkiye dhe Siri dhe theksoi se me udhëzimin e presidentit Joe Biden agjencitë federale mobilizuan aktivitetet e ndihmës brenda disa orësh pas tërmetit.
Duke deklaruar se qindra personel amerikan kanë shkuar në zonën e tërmetit që nga e hëna dhe se kanë njoftuar 85 milionë dollarë ndihmë humanitare, Blinken tha “Ne mirëpresim gjithashtu lajmin se autokolona e parë e ndihmës e OKB-së ka kaluar kufirin e Sirisë në Bab al-Hawa”.
“Ne ftojmë regjimin e Asadit të lejojë që ndihma të kalojë nëpër të gjithë kufijtë, të lejojë shpërndarjen e ndihmave në të gjitha zonat e prekura nga tërmeti dhe të lejojë që ndihma humanitare të arrijë të gjithë sirianët në nevojë pa përjashtim”, tha Blinken.
Duke theksuar se SHBA-ja do të bëjë më të mirën për të prekurit nga tërmeti si në Türkiye ashtu edhe në Siri, Blinken tha: “SHBA-ja do të vazhdojë të mbështetjen për popullin e Türkiye-s dhe Sirisë. Ne mirëpresim mbështetjen e partnerëve tanë ndërkombëtarë në këtë kohë nevoje”.
