Këshilltari i Sigurisë Kombëtare të Shteteve të Bashkuara (SHBA) Jake Sullivan tha se ata nuk kanë parë ose nuk disponojnë ndonjë provë që Kina i ofron mbështetje ushtarake Rusisë për luftën në Ukrainë.
Duke vlerësuar agjendën ukrainase Sullivan komentoi situatën e fundit në lidhje me Kinën për gazetarët gjatë udhëtimit për në Bruksel, kryeqytetin e Belgjikës, për të shoqëruar presidentin amerikan Joe Biden në samitet e sigurisë.
Në përgjigje të një pyetjeje Sullivan tha: “Ne nuk kemi parë dhe nuk kemi prova që Kina të siguruar për Rusinë pajisje ushtarake për t’i përdorur në Ukrainë, por ne po e ndjekim nga afër këtë situatë”.
“Ne ua kemi përcjellë në mënyrë të qartë autoriteteve kineze mesazhet tona se çfarë pasojash do të kishte kjo në rast se Pekini i jep një mbështetje të mundshme ushtarake Moskës”,- u tha Jake Sullivan gazetarëve dhe theksoi se ata ndodhen në të njëjtin pozicion me aleatët evropianë për këtë çështje.
Ushtarët rusë filluan një sulm në Ukrainë më 24 shkurt.
