Numri i të vdekurve nga orteku i së dielës në Alpet franceze u rrit në gjashtë, përfshirë dy udhërrëfyes malorë, kanë deklaruar autoritetet lokale për AP.
Zyra e prokurorit në Bonneville, në rajonin Haute-Savoie, tha se trupi i një personi të gjashtë u gjet pasi kërkimet rifilluan të hënën në mëngjes.
Nga kërkimet u gjetën edhe tetë persona të tjerë pa lëndime, përderisa një person u dërgua në spital me lëndime të lehta.
Gjatë raportimeve nuk janë dhënë detaje për identitetin e viktimave.
Orteku të dielën u rrëzua nga akullnaja Armancette në Contamines-Montjoie, në rajonin Haute-Savoie. Radioja lokale “France-Bleu” e vuri në dukje madhësinë e ortekut në 1000 metra të gjatë dhe 100 metra të gjerë.
Ndërkaq, agjencia kombëtare e motit “Meteo France” nuk kishte lëshuar ndonjë paralajmërim specifik për ortekët për të dielën, duke e vlerësuar rrezikun si “të kufizuar”.
Alpet janë një vend kryesor pushimesh gjatë fundjavës së Pashkëve të Francës.
