Në konferencën e organizuar nga Zyra e Këshilltarit për Çështjet Fetare në Ambasadën turke në Tiranë, folës kryesor ishte ish-kryetari i Kryesisë së Çështjeve Fetare të Türkiyes (Diyanet), Prof.Dr Mehmet Görmez.
Zyra e Këshilltarit për Çështjet Fetare në Ambasadën turke në Tiranë ka organizuar konferencën me temë “Të jesh musliman në Ballkan dhe gjeografia jonë shpirtërore”, raporton Anadolu.
Në konferencën e organizuar në sallën e konferencave në Xhaminë e Namazgjasë në Tiranë, folës kryesor ishte ish-kryetari i Kryesisë së Çështjeve Fetare të Türkiyes (Diyanet), Prof.Dr Mehmet Görmez.
Në fjalën e tij, Görmez fillimisht kujtoi vizitën e tij të parë në Shqipëri dhe bisedimet me besimtarët për nevojën e ndërtimit të Xhamisë së Namazgjasë.
Görmez shprehu falënderimet për presidentin turk, Recep Tayyip Erdoğan, që sipas tij është interesuar për çdo hap të ndërtimit të Xhamisë së Namazgjasë në Tiranë.
Görmez theksoi se edhe muslimanët e Ballkanit janë ballafaquar me shumë vështirësi. “Të jesh musliman në Ballkan është diçka shumë e veçantë, nuk i ngjan si të jesh musliman në vende të tjera apo gjeografi të tjera”, tha Görmez.
Një fjalë përshëndetëse mbajti edhe këshilltari për çështjet fetare pranë Ambasadës së Türkiyes në Tiranë, dr. Adem Gerlegiz. “Qëllimi që ne jemi mbledhur sot këtu për të përmendur Allahun dhe Islamin do të jetë shpërblim me zbritjen e mirësisë të Allahut mbi ne”, tha Gerlegiz.
Bilal Teqja, myfti i Tiranës dhe imami i Xhamisë së Namazgjasë, në fjalën e tij tha se është e rëndësishme dhe shumë e nevojshme për muslimanët ballkanas ndërtimi i produkteve kulturore islame.
“Është me vend të përmendim rëndësinë e Islamit dhe forcimit të tij në trojet tona, në ndikimin që ka në ruajtjen e identitetit tonë kombëtar”, u shpreh Teqja.
Në konferencë u lexua dhe Kuran, ndërkohë ishin të pranishëm edhe përfaqësues të institucioneve turke, të organizatave të ndryshme, studiues dhe qytetarë.
