Ushtarët e ushtrisë shqiptare, me ngritjen e flamurit në bazën e EUFOR-it në Butmir, zyrtarizuan pjesëmarrjen e tyre në operacionin “Althea”.
Pjesëmarrja dhe ngritja e flamurit të Shqipërisë u zhvillua në prani të gjeneral brigade Lorenzo Dal Masa.
Anëtarët e kontingjentit shqiptar u pritën nga nënkoloneli Vasile Ardeleanu, i cili u uroi sukses në misionin e tyre.
Përbërja e kontingjentit shqiptar nuk është e njohur, ndërkohë që ata i janë bashkuar forcave të Batalionit Shumëkombësh në bazën operacionale në Butmir.
