Të paktën shtatë persona u vranë, duke përfshirë një fëmijë, kur persona të armatosur hapën zjarr në një pishinë publike në Meksikë të shtunën, sipas autoriteteve lokale.
Një dëshmitar okular i sulmit u tha autoriteteve lokale se personat e armatosur hapën zjarr rreth orës 16:30 me orën lokale të shtunën, dhe pas të shtënave, ata dëmtuan dyqanet, kamerat e sigurisë dhe monitorët përpara se të largoheshin nga vendi i ngjarjes.
Videot në mediat sociale tregojnë njerëz me rroba banje duke bërtitur dhe duke përqafuar fëmijët e tyre, raporton CNN.
Ushtria meksikane dhe forcat e sigurisë janë vendosur për të gjuajtur personat e armatosur pas sulmit, i cili ndodhi në qytetin Cortazar në shtetin qendror të Guanajuato.
Kur forcat lokale të sigurisë mbërritën në vendngjarje, ata gjetën trupa të pajetë, duke përfshirë një fëmijë nën moshën shtatë vjeç, dhe gëzhoja, tha qeveria lokale në një deklaratë.
Përveç shtatë të vdekurve, një person është plagosur rëndë dhe është dërguar në spital, shtohet ajo.
