Tifozët e Paris Saint Germain prej ditësh po protestojnë kundër Neymar dhe Lionel Messit në rrugët e qytetit të tyre dhe kërkojnë largimin e tyre nga klubi, prandaj ky klub ka vendosur të ndërmarrë një hap radikal.
Mbledhjet para shtëpisë së Neymar tërhoqën vëmendjen e publikut dhe tifozët e pakënaqur të PSG-së e përzunë brazilianin nga klubi me këngë dhe ofendime. Nuk u kursye as Lionel Messi, i cili prej muajsh është nën sulmin e tifozëve të PSG-së.
Një grup tifozësh kërkojnë largimin e dyshes së lartpërmendur, por edhe drejtuesve të klubit për shkak të pakënaqësisë me mënyrën e drejtimit të PSG-së.
Për shkak të kësaj, PSG vendosi për një lëvizje radikale. Përkatësisht, klubi ka kërkuar zyrtarisht nga agjencitë kompetente praninë e forcave të përforcuara policore para shtëpive të Messit dhe Neymarit, pasi pakënaqësia mund të kulmojë dhe të sjellë probleme edhe më të mëdha për futbollistët e njohur.
📸 PSG fans in front of Neymar's house pic.twitter.com/wXgIOBNM6M
— ParisienTimes (@parisientimes) May 3, 2023
Kujtojmë, Messi është një lojtar i cili prej pardje është i suspenduar brenda PSG-së. Klubi i Parisit e ndaloi atë për dy javë pasi shkoi në Arabinë Saudite pa pëlqimin e klubit.
Kjo ishte vetëm pika e fundit dhe nuk ka më asnjë dyshim që argjentinasi i famshëm po largohet nga skuadra e PSG-së.
Në të njëjtën kohë, PSG dënoi sjelljen e një grupi tifozësh që u mblodhën para shtëpisë së Neymar dhe kërkuan largimin e tij nga klubi.
📹 Verratti, Neymar, Messi… Les 3 joueurs sont ciblés par les supporters parisiens.
En vidéo, c’est Leo Messi qui est pris en grippe 😡🔴🔵 pic.twitter.com/KZPpQNBiCI
— Canal Supporters (@CanalSupporters) May 3, 2023
“PSG dënon me termat më të fortë veprimet e patolerueshme dhe ofenduese të një grupi individësh që ndodhën të mërkurën. Pavarësisht nga dallimet në qëndrime, asgjë nuk justifikon veprime të tilla. Klubi u jep mbështetje të plotë lojtarëve, stafit stërvitor dhe të gjithëve që janë. objektivi i kësaj sjelljeje të turpshme”, thuhet në deklaratën e klubit të Parisit.
Neymar duket se u është përgjigjur fansave me një mesazh të fshehtë në Instagram ku shkruhej: “Mos i lini njerëzit t’ju hedhin në stuhinë e tyre, hidhini në paqen tuaj”.
