Ndjenja e gulçimit është një fenomen i zakonshëm dhe nuk do të thotë domosdoshmërisht se është e nevojshme të vizitoni mjekun, por në rastet kur ndodh papritur ose pa ndonjë simptomë tjetër të tmerrshme, mund të krijojë njëfarë frike tek njerëzit.
Ka shumë shkaqe të mundshme të vështirësisë në frymëmarrje dhe ndërsa disa nga shkaqet janë krejtësisht të padëmshme, të tjerat mund të jenë shenjë e një sëmundjeje të rëndë dhe si të tilla kërkojnë ndërhyrje të menjëhershme, transmeton Healthline.
Siç shpjegojnë mjekët, ndjenja e gulçimit, frymëmarrje e vështirësuar apo e shpejtë dhe fenomene të ngjashme janë krejtësisht normale kur një person përjeton disa përpjekje të rënda fizike, stres apo eksitim të madh. Kur dihet shkaku i vështirësisë në frymëmarrje, nuk ka arsye për të vizituar mjekun, sepse atëherë, domethënë, është nevoja më normale e shtuar e trupit për oksigjen.
Megjithatë, nëse gulçimi shfaqet në pushim dhe shoqërohet me disa simptoma të tjera të pakëndshme si shtrëngimi në gjoks ose pamundësia për të marrë frymë thellë, situata nuk është më aq e padëmshme.
Vështirësi në frymëmarrje ose dispne ndodh shpesh tek pacientët me zemër, personat që kanë nivele të ulëta hekuri ose janë anemikë, te individët që përjetojnë ankth, duhanpirësit, personat me sëmundje të mushkërive dhe personat që kanë probleme me peshën e tepërt. Mjekët paralajmërojnë se të gjitha rastet në të cilat gulçimi nuk largohet vetvetiu brenda pak ditësh mund të jenë potencialisht të rrezikshme dhe kërkojnë ekzaminimin e mjekut për të përcaktuar shkakun e vërtetë të problemit.
Ka edhe situata kur ndërhyrja është e nevojshme
Megjithatë, ka edhe situata në të cilat duhet të reagohet sa më shpejt sepse mund të ketë pasoja të rënda. Njëra prej tyre është embolia pulmonare, në të cilën arteriet pulmonare bllokohen për shkak të trombociteve, gjegjësisht mpiksjeve që vijnë nga pjesët periferike të trupit, e karakterizuar nga frekuenca e shtuar e frymëmarrjes dhe vështirësia në frymëmarrje dhe kjo gjendje kërkon kujdes urgjent mjekësor. Shpesh, paralajmërojnë mjekët, shfaqet me simptoma të kollës, temperaturës dhe cianozës.
Nuk duhet të anashkalojmë sulmin në zemër, në të cilin shfaqet vështirësi në frymëmarrje për shkak të pakësimit ose pengimit të qarkullimit të gjakut në zemër, dhe simptoma është ndër të tjera, vështirësia në frymëmarrje.
