Tenisti italian Jannik Sinner është fituesi i turneut demonstrativ të tenisit “Slam i gjashtë mbretërve” që u zhvillua në Riad të Arabisë Saudite, duke mposhtur spanjollin Carlos Alcaraz me rezultat 2:1 në sete (6:7, 6:3, 6:3) në finale.
Edhe pse seti i parë i takoi Alcarazit pas një tiebreak-u, Sinneri luajti edhe më mirë në vazhdim dhe arriti të përmbysë rezultatin, duke siguruar fitoren e tij të parë ndaj spanjollit këtë vit.
Turneu “Slam i gjashtë mbretërve” nuk ka asnjë rëndësi garuese dhe nuk sjell pikë për listën e ATP-së, por sauditët nuk patën vështirësi të tërheqin “mbretërit”, pasi fituesi mori në shtëpi gjashtë milionë dollarë, që është çmimi më i madh monetar në historinë e tenisit.
Në ndeshjen për vendin e tretë, Novak Gjokoviç mposhti Rafael Nadalin me rezultat 2:0, me sete 6:3 dhe 7:6.
Çdo tenist që mori pjesë në këtë turne fitoi të paktën 1,5 milionë dollarë amerikanë vetëm për pjesëmarrje, dhe përveç Sinnerit dhe Alcarazit, në turne morën pjesë Daniil Medvedev, Holger Rune, Rafael Nadal dhe Novak Gjokoviç.
