Grupet kundër regjimit fillimisht morën kontrollin e lagjeve Al-Mazarib, Sanayi dhe Al-Arbain të qytetit Hama dhe më vonë hynë në pjesët e brendshme të qytetit, duke fituar kontrollin
Grupet e armatosura kundër regjimit të Bashar al-Asadit kanë marrë kontrollin e qendrës së qytetit Hama të Sirisë, raporton Anadolu.
Grupet kundër regjimit fillimisht morën kontrollin e lagjeve Al-Mazarib, Sanayi dhe Al-Arbain të qytetit Hama dhe më vonë hynë në pjesët e brendshme të qytetit, duke fituar kontrollin.
Ndërkohë, ushtria e regjimit sirian tha në një deklaratë se trupat e tyre janë tërhequr dhe janë ristacionuar jashtë qytetit pasi grupet kundër regjimit hynë në qytet.
– Zhvillimet në Siri
Më 27 nëntor, shpërthyen përleshje midis forcave të regjimit të Asadit dhe grupeve të armatosura kundër regjimit në zonën rurale perëndimore të provincës Halep në Sirinë veriore.
Grupet e armatosura kundër regjimit, të cilat më 28 nëntor përparuan me shpejtësi drejt Halepit, morën nën kontroll pjesën më të madhe të qendrës më 30 nëntor.
Pasi morën kontrollin e qytezës Khan Shaykhun më 30 nëntor, grupet e armatosura morën kontrollin në gjithë Idlibin, ndërsa vazhdojnë avancimin e tyre duke u përleshur në qytetin Hama.
Në operacionin “Agimi i Lirisë” që Ushtria Kombëtare Siriane nisi kundër organizatës terroriste PKK/YPG më 1 dhjetor në periferi të Halepit, u çlirua qendra e qytezës Tel Rifat.
