Baccora zhvilloi takime në Damask, përfshirë zyrtarë nga qeveria e ish-regjimit për “të diskutuar mënyrat për të siguruar pjesëmarrjen e të gjithëve sirianëve në nxitjen e paqes civile dhe rritjen e kohezionit social në të gjithë Sirinë”
Një lider i lartë i opozitës siriane ka mbajtur disa takime në kryeqytetin sirian Damask me komunitete dhe figura fetare për të përforcuar paqen civile dhe kohezionin shoqëror pas rënies së regjimit të Bashar al-Asadit në Siri, transmeton Anadolu.
Grupi i Koalicionit të Opozitës Siriane (SOC) njoftoi se anëtari i komitetit politik të grupit, Ahmad Baccora, u takua me liderë fetarë, liderë të komuniteteve dhe liderë diplomatikë në Damask, përfshirë zyrtarë nga qeveria e ish-regjimit për “të diskutuar mënyrat për të siguruar pjesëmarrjen e të gjithëve sirianëve në nxitjen e paqes civile dhe rritjen e kohezionit social në të gjithë Sirinë”.
Në kuadër të takimeve të tij në Damask, Baccora u takua me grupin misionar të kishës dhe diskutoi rëndësinë e pjesëmarrjes së komunitetit të krishterë në rindërtimin e Sirisë.
Ai pohoi se grupi SOC “po bën gjithçka të nevojshme për të arritur qëllimet e krijimit të një shteti demokratik dhe civil për të gjithë”. Më tej, Baccora tha se populli sirian “po monitoron nga afër fazën aktuale me vetëdije të madhe” dhe duke e kuptuar rëndësinë e periudhës midis rënies së regjimit dhe krijimit të një shteti të ri.
Asadi, lideri i Sirisë për 24 vite, u largua në Rusi pasi grupet kundër regjimit morën kontrollin e Damaskut herët të dielën e kaluar, duke i dhënë fund sundimit të partisë Baath, e cila ka qenë në pushtet që nga viti 1963.
