Kombëtaret e Malit të Zi dhe Finlandës zhvilluan një ndeshje kaotike mbrëmë në Podgoricë (0:2) në Ligën e Kombeve dhe përveç kartonave të shumta të ndara, takimi u karakterizua edhe me akuza për racizëm.
Sipas Podgorica Vijesti, Federata Finlandeze e Futbollit u ankua në Federatën Evropiane të Futbollit (UEFA) dhe nisi një hetim për shkak se të ftuarit pretendojnë se mesfushori i tyre Glen Kamara (26) ishte fyer racialisht.
Në raport thuhet se ka dyshime për sjellje raciste të një lojtari malazez ndaj Glen Kamara.
Gjatë pjesës së parë, një turmë shpërtheu rreth Kamarës në një moment dhe më pas arbitri i kishte mbushur duart plot.
Ai është dashur të qetësojë situatën me ndihmën e kapitenëve të të dyja skuadrave dhe dyshohet se pikërisht në atë turmë dikush ka fyer mesfushorin finlandez.
Për kujtesë, UEFA e ka sanksionuar tashmë Malin e Zi për shkak të racizmit në vitin 2019, kur në prill ndëshkoi shoqatën vendase duke luajtur një ndeshje para tribunave të zbrazëta.
